Калядныя святы працягваюцца
У рамках праекта “Кафе “Наша шчасце” (удзельнік Рэспубліканскага конкурса “Моладзь Беларусі за жыццё, маральнасць і сямейныя каштоўнасці”), які праводзіцца ў ДУА “Высокаўская санаторная школа-інтэрнат”, 15 студзеня педагогі і навучэнцы Центра завіталі да калег у госці.
Педагог Таццяна Уладзіміраўна Наплёха правяла майстар-клас па выпечцы калядных імбірных пранікаў для навучэнцаў 9 класаў, а таксама майстар-клас па роспісу пранікаў для 3-9 класаў.
Педагогі і удзельнікі ўзорнага клуба аматараў фальклору “Катрынка” з традыцыйнымі каляднымі песнямі і віншаваннямі завіталі у кожны клас.
Сутнасць свята Каляд змяшчаецца ў добрых адносінах і любві да бліжніх, таму калядоўшчыкі пажадалі багатага новага года, шчасця і здароўя і ўручылі ўсім імбірныя пранікі, а ў замен атрымалі калядныя падарункі.
Педагог А.М. Зайцава