“Добрый дэнь, до вашэі хаты! Можна колядку заспываты?” (рэгіянальны дыялект) – гэтыя словы традыцыйна прагучалі ў нашым Цэнтры 15 студзеня. Як заўсёды, падчас Калядных святаў, малодшыя навучэнцы (1 клас) клуба аматараў фальклору “Катрынка” хадзілі з Зоркай, віншавалі педагогаў і гурткоўцаў Цэнтра, а таксама працаўніков гарадской і дзіцячай бібліятэк з Калядамі. Сутнасць свята Каляд змяшчаецца ў добрых адносінах і любві да бліжніх, таму калядоўшчыкі сыпалі зерне з пажаданнем багатага новага года, шчасця і здароўя.

Калядныя падарункі, як заўсёды былі вельмі шчодрымі, як і ўсе святочныя дні.

Метадыст А.М. Зайцева